20年工作狂失衡
財多身子弱捱到七勞八損
本文轉自網絡 不代表本號觀點

該新聞包含視訊，即將在公眾號tvbvideo推送，敬請關注！！

視后唐詩詠過往廿年一直工作，雖然令她獲得一筆積蓄，現時無后顧之憂，能隨心所欲，然而多年來壓力積聚，她坦言現時即使停下來，但已七勞八損，多年來的虛耗令身體特別虛弱，要繼續好好調理，不過她坦言幸而多年來一直有調整心理方面，不斷提醒自己不要忽上忽落。

唐詩詠多年來一直搏殺，現在則學會平衡工作與生活。

離開無綫近年半的唐詩詠早前為HOY TV到英國多個城市拍攝旅游特輯，她不諱言拍此節目時有離奇無比的動力，而節目播出后，不少觀眾表示看到不一樣的唐詩詠，更能從她的表情、舉動感受到其喜樂及佻脫的一面。詩詠接受東網獨家專訪時坦言不少人都跟她這樣說：「我諗係因為以前自己嘅諗法同依家好唔同，以前我會將所有諗法放喺工作上，而我又係一個好工作狂嘅人，對自己嘅要求會高，呢個係做演員必需要有嘅，但係如果能夠拍完一套劇休息一陣再拍，咁先可以搵到平衡，我之前就係失去咗呢個Balance，過去20年我都不停工作，好少認真去生活，呢個係我依家開心咗嘅原因，呢段時間我先可以真真正正咁生活，其實同好多人一樣，都係朝早起身，做嚇自己想做嘅嘢，睇嚇戲咁，因為你冇壓力包圍住，咁先可以令你真正放松到。

」

詩詠于這一年時間亦發掘了不少興趣，好似跑步、冥想、整麵包等，令她發現原來做「學生」好幸福：「以前同大家交流都係講嚇最近拍緊乜嘢戲、放飯食啲乜咁，依家生活圈子擴大咗，喺興趣班我認識咗好多唔同圈子、年紀嘅朋友，我哋傾偈話題已經唔係個角色點去演，而係個麵包點樣整先好食，開拓咗我另一個新天地。」

唐詩詠拍劇隨緣，期待跟不同人合作。

唐詩詠不斷提醒自己不要忽上忽落。

唐詩詠唔止要拍打戲，還要捱更抵夜，難免捱壞！

期待Mr.Right出現

已單身多時的她被問到有否結識到新對象或有想成家立室的諗頭時，她說：「反而家庭呢方面我以前會諗多啲，依家我明白一個道理係自己先要了解自己，要懂得同自己相處、懂得愛自己，先至會有平衡、健康、開心嘅關係。愛情方面，我覺得搵到一個適合同我過下半生嘅人就已經好足夠，最緊要三觀啱，大家生活又協調，呢件係一件好開心嘅事，我都會一路期待住。」辛勤多年，亦令詩詠擁有一定積蓄，令她現時安心選擇，沒后顧之憂：「做咗咁多年，我都儲咗一筆錢，買咗幾多樓唔好講，資產一定有，點解過往20年我要搬近公司，因為我一直希望可以用一段時間去努力，令我往后可以隨心所欲。」

唐詩詠在旅游特輯中，展現喜樂及佻脫的一面。

靚人靚景。

唐詩詠到英國多個城市拍攝旅游特輯。

詩詠不諱言雖然離開娘家一年多，但都好懷念以往開工的點滴：「我成日都會同啲幕后食飯，佢哋都有講拍攝上嘅嘢，呢樣係我最掛住，好懷念以前拍一套劇3個月大家點樣去努力，去諗場戲、點樣拍好佢，呢啲都係我好掛住嘅！但亦都因為過往長時間咁樣，慶幸依家生活同工作上搵到平衡，暫時覺得呢個平衡先係最重要。」說到多年來劇接劇捱壞了身子，免疫系統更一度出現問題，詩詠不諱言身體已七勞八損：「一停落嚟身體都會特別虛弱，雖然之前我都好努力調理身體，但虛耗太多，呢樣嘢係好漫長，我覺得以前拍嘢我一路有調整心理，會提醒自己唔好忽上忽落，呢樣反而好好彩。

過去20年嘅壓力都積累喺身體內，我終于明白點解有啲演員係兩年拍一套，係真係有原因，依家要嘅唔係純粹工作上帶畀你嘅滿足感，而係生活上嘅寧靜。」問到無綫有否找她回巢拍劇？她謂：「其實我同公司關係一直好好，所以係仲有合作機會嘅，至于去邊度拍先，呢啲緣分嚟就會嚟，我都不停睇好多唔同嘅劇集，希望可以同唔同人合作，擦出火花。」

高海寧頸現大硬塊　中西合璧治療

高海寧（高Ling）近日做「空中飛人」，經常兩邊飛，既要拍劇，又要到內地錄製綜藝節目《無限超越班2》。長時間沒休息的她，身體終響起警號，頸部生了大硬塊，甚至頭皮都有，令不少粉絲相當擔心，但高Ling向來樂觀，輕松面對任何事情，故她依然每日滿臉笑容地工作。

高海寧（右）與蔣祖曼拍攝劇集外景，以「姊妹裝」上陣。

高海寧頸部有硬塊，已看中醫治療。

她指日前已看中醫治療，她說：「其實係淋巴結嚟，我諗一定因為我呢排唔夠休息，壓力大所致。」她已做了刮痧及針灸治療，之后亦會看西醫作詳細檢查。現時正忙于拍攝無綫新劇《武林》的她，日前與蔣祖曼在尖沙咀拍外景，兩人以「姊妹裝」啡色背心裙及高踭鞋上陣拍攝，手上拎住多袋戰利品，不過估不到連不用埋位時所穿的平底波鞋都一樣。

江嘉敏打到半天吊 右手受傷「不舉」

江嘉敏與高海寧同樣正在拍攝《武林》，劇中嘉敏善于掌功，差不多每日開工都打到飛起。她拍攝《新四十二章》、《殺手》及《食腦喪B》時已周身傷，嚴重致小腿骨裂及移位。

日前拍攝《武》劇一場吊威吔打戲后，她的右手「不舉」，她受訪時謂：「因為嗰日吊喺半空，好多力度都唔受控制，之前整親隻中指，依家隻手掌瘀曬又舉唔起，我諗係傷到啲韌帶，不過因為呢幾日要開工，未有時間睇醫生，本來有場大打嘅戲份，但我隻手都郁唔到，所以要延遲拍攝。」

江嘉敏劇接劇，忙個不停。

江嘉敏親身上陣拍打戲，搞到右手受傷。

該新聞包含視訊，本號暫時無法上傳，

想看的粉絲請留言，小編會提供鏈接。

---------------------------------

劇迷 經典 QQ5群 再次擴容　名額有限速加: 133989729

商務合作QQ：2063871309

每天更新火爆港劇視訊資訊！

還在為找劇煩惱？那就趕緊關注我吧！

最新最快最全 ：關注備用號 tvbvideo ，回復： 2020

（長按下圖識別二維碼即可輕松關注）

嚴禁無授權轉載，違者將面臨法律追究。